اسرائیلی حکومتی ادارہ گوئبلز نا پروپیگنڈا غا کاریم کننگ اٹی ءِ،ترکیہ صدر طیب اردگان

انقرہ، ترکیہ ترک صدر رجب طیب اردگان ءِ ہدف جوڑ کروک اسرائیلی وزارت خارجہ نا بیان نا سخت انگا لوز آتے ٹی مذمت ءِ کرسا اودے دروغ و بہتان گوندانے۔ اسرائیلی وزارتِ خارجہ نا بیان ءِ نازی پروپیگنڈا مشین نا ڈیک گوندنگانے۔ ترک وزارتِ خارجہ نا رِداٹ اسرائیلی بیان نیتن یاہو نا حکومت نا لغور و وڈی خور ذہنیت نا پاش ڈیک ءِ۔ ترک وزارتِ خارجہ پارے کہ غزہ ٹی نسل کشی کروک آ نیتن یاہو نا حکومت کانودی و سیاسی ہڑتوم آ پڑ تیا تینا بے گناہی نا دعویٰ ءِ برجا تخنگ اٹی بے سہب مسنے۔ ترک وزارتِ خارجہ نا رِداٹ اسرائیلی حکومتی ادارہ غاک گوئبلز نا پروپیگنڈا مشین نا وڑ اٹ کاریم کننگ اٹی ءُ، مچ آ جہانی برادری داسہ نیتن یاہو نا حکومت نا دروغ تیا ہچ باور کپک۔ بیان اٹی پاننگا کہ صدر اردگان نا کماشی ٹی ترکیہ نیتن یاہو نا حکومت نا ڈوہ تا برخلاف دیانتداری و پُرعزم موقف تینائی کرینے، و ترکیہ آخبت اٹی ہم مدام راستکی نا دفاع و اودے بیان کرسا کیک۔ میڈیا رپورٹ نا رد اٹ اسرائیلی وزارت خارجہ ترک صدر اردگان آ اسرائیل مخالف موقف تینائی کننگ آ تنقید کریسس۔