کراچی نا پوریاگر تا کنڈ آن جماعت اسلامی نا ہڑتال نا مخ تفی نا پڑو

کراچی، کراچی نا پوریاگر راہشونک امیر جماعت اسلامی پاکستان حافظ نعیم الرحمن نا کماشی ٹی مروک آ یکم ستمبر سَے شنبے نادے 3 بجہ غا دھرنا نا ہند گورنر ہاؤس سندھ آ مروک ‘کراچی پوریاگرکنونشن’ اٹی بشخ ہلنگ نا پڑو کریر۔ پوریاگر راہشونک پٹرول نا نہاد آتیٹی ارب آ روپئی نا لیوی ٹیکس نا بھتہ ہلنگ نا مذمت ءِ کرسا جماعت اسلامی نا تاریخی دھرنا تیا امیر جماعت اسلامی حافظ نعیم الرحمن نا گام گیج و حکمت عملی ءِ خراجِ تحسین پیش کریر۔ پوریاگر راہشونک پنچ شنبے 3 ستمبر نا شٹر ڈاؤن ہڑتال نا ہم مخ تفی نا پڑو کریر۔ تدوک آدے ڈپٹی سیکرٹری جماعت اسلامی کراچی و مسکوہی ایم پی اے یونس بارائی و صدر اسمال ٹریڈرز آرگنائزیشن محمود حامد آ تالان ڈل کراچی الیکٹرانکس ڈیلرز ایسوسی ایشن نا صدر رضوان عرفان، بنجائی سیکرٹری اسمال ٹریڈرز محبوب اعظم، زرگراں الائنس لیاقت آباد نا صدر اکرم قریشی، واٹر پمپ ٹریڈرز ایسوسی ایشن نا صدر عارف اسماعیل، صدر کوآپریٹو مارکیٹ نا راہشون محمد اسلم خان، اسمال ٹریڈرز گروپ بازار فیصل، کریم آباد مارکیٹ نا صدر محمد کاشف، اسمال پرنٹنگ پریس ایسوسی ایشن نا راہشون عثمان شیخ، لیاقت آباد کریانہ ایسوسی ایشن نا صدر انصار بیگ قادری و بنجائی میلاد الائنس نا سروک سلیم قادری ترابی تون اوڑدہی کرے و اوفتے پوریاگر کنونشن اٹی بشخ ہلنگ نا سلہ خلک و شٹر ڈاؤن ہڑتال نا مخ تفی نا خواست کرے۔ پوریاگر سرکڑدہ غاک یکم ستمبر نا پوریاگر کنونشن اٹی بھلو کچ اسے ٹی بشخ ہلنگ نا پڑو کریر و پیٹرول لیوی نا برخلاف حافظ نعیم الرحمن نا تحریک ءِ لس الس و پوریاگر تا است انا توار گوندار۔ پوریاگر راہشونک پاریر کہ پٹرول نا نہاد آتیٹی ہڑدے نا کاٹم آ ودفنگ آن ملکی زرگزران بھس مسنے و داخس کبین پٹرول تون اسہ زرگزران اس ہم شون ہلنگ کپک۔ پوریاگر راہشونک پاریر کہ حکومتی گام گیج آتیان غریب الس نا اُرانا دیگدان بند مسنے و غریب بندغ کن اِرا وخت انا ارٹ کٹیا کننگ مشکل مسنے۔ او پڑو کریر کہ نن دا بیدادی نہاد آتا برخلاف جماعت اسلامی نا السی تحریک تون اوار اُن و 3 ستمبر نا ہڑتال و لانگ مارچ اٹی ہم جماعت اسلامی و حافظ نعیم الرحمن تون ہم کوپہ مرینہ۔