وزیراعظم نا ترکیہ نا یوم فتح غا ترک صدر و الس ءِ مبارکباد ی
Get real time updates directly on you device, subscribe now.
اسلام آباد، وزیراعظم شہباز شریف ترکیہ نا یومِ فتح نا وخت آ ترک صدر و الس ءِ مبارکبادی ترسا پارینے کہ پاکستان ترکیہ نا قومی میرات نا فتح نا جشن اٹ ترکیہ نا شاری تتون اوار سلوک ءِ۔ تینا کلہو اٹی وزیراعظم شہباز شریف پارے کہ ترک صدر رجب طیب اردوان، ترکیہ نا ایلم شاری و حکومت ءِ یومِ فتح نا است انا ہُب اٹ مبارکبادی ایتک۔ 30 اگست غازی مصطفیٰ کمال اتاترک نا کماشی ٹی ترک قوم انا عظیم آ سرسہبی نا دے ءِ 30 اگست نا دا فتح پوسکنوڑ ترکیہ نا سوگو آ بنداو ءِ تخا۔ پاکستان ترکیہ نا قومی میرات نا جشن اٹ ترکیہ نا الس تون اوار ءِ۔ وزیراعظم پارے کہ پاکستان و ترکیہ نا نیام اٹی سال آتیا تالان اسیجائی تاریخ، عقہدہ و مہر و مابت نا سوگو آ رشتہ ءِ‘ مکہ دفاعی معاہدہ ہڑتوم آ ملک آتے سعودی عرب تون تین پہ تینی مزاحمت و اسیجائی سیکورٹی نا رشتہ ٹی گنڈک۔ وزیراعظم ترکیہ تون ہڑتوم آ کنڈ انا اسٹریٹجک تعلقداری تے پین سوگو کننگ و ہڑتوم آ ملک آتا اسیجائی شونہالی و سیکورٹی کن اوار کاریم کننگ نا عزم انا دوارگی کرے۔