وزیر دفاع خواجہ آصف نا علامہ اقبال انٹرنیشنل ایئرپورٹ لاہور نا دورہ
Get real time updates directly on you device, subscribe now.
لاہور، وزیر دفاع خواجہ آصف علامہ اقبال انٹرنیشنل ایئرپورٹ لاہور نا دورہ ءِ کرے و ایئرپورٹ آ مسافر آتے دوئی آسراتی و برجا شونداری ڈٹ آتا جاچ ءِ ہلک۔ پی اے اے نا رِداٹ زالبول مسافر آتا زوت کلیئرنس و انتظار نا وخت اٹی کمتی کن ودکی سرچ کاؤنٹر جوڑ کننگ نا پارت کننگا۔ وزیر دفاع پوسکن تفنگوک امیگریشن ایریا و برجا تعمیری کاریم تا جاچ ءِ ہلک‘ انٹرنیشنل و ڈومیسٹک ڈپارچر ایریا ٹی مسافر آتا آسراتی کن مروک بست وبند نا ہم جاچ ہلنگا۔ پی اے اے نا رِداٹ وزیر دفاع لاہور ایئرپورٹ آ مسافر آتا آسراتی تا آب ءِ برجا تخنگ آ زور شاغا۔ مسافر آتا آسراتی کن چندی آسراتی تا اپ گریڈیشن و زیبائی نا ڈٹ آتا ہم جاچ ہلنگا۔ ٹریفک نا رش اٹی کمتی کن ڈپارچر ڈراپ آف لین نا ودفنگ ءِ اولیتی بنداو آ پورو کننگ آ زور شاغنگا۔ ڈومیسٹک ڈپارچر ایریا نا برجا تفوئی کاریم اٹ پیشرفت نا جاچ، وخت آ پوروی و مسافر آتا آسراتی ءِ پک کننگ آ زور شاغنگا۔