یوکرین آ روسی ڈرون جلہو اٹی 37 شاری زوال، 42 ٹھپی

کیف، یوکرین دعویٰ کرینے کہ روسی ڈرون جلہو اٹی 37 شاری زوال مسر، وخت اس کہ 42 بندغ ٹھپی مسر۔ درملکی میڈیا نا رِداٹ دا جلہو یوکرین نا دارالحکومت کیف انا کیبی علاقہ غاتیٹی اسہ سلہہ ڈپو سے آ کننگاسس۔ دھماکہ غان 50 ہنکینی ماری تے ہم بھلو نسخان اس مس۔ یوکرین نا صدر زیلنسکی دا واقعہ غا سخت ڈکھ و ارمان نا درشانی ءِ کرسا پارے کہ سلہہ ڈپو شاری آبادی ٹی بایدے مفروسس و ہرا بندغ آک دا ڈیوالئی نا زموار ءُ اوفتے کانود نارد اٹ سزا تننگک۔ زیلنسکی پارے کہ شاری آبادی ٹی سلہہ ڈپو نا تخنگ بھلو بے پرواہی و ڈیوالئی اسے ہرانا جاست پاست نا دمدستی بنا کننگانے۔ داڑتون اوار او روس ءِ ہم خبڑدار کرے کہ اودے تینا ہر بیداد کارروائی نا سخت ردِعمل مون تروئی تمک۔