پمز خاخر لگنگ نا رپورٹ پیش: وزیراعظم نا کنڈ آن 8 زموار ءِ دمدستی معطل کننگ و کانودی کارروائی نا منظوری
Get real time updates directly on you device, subscribe now.
لاہور، وزیراعظم محمد شہباز شریف نا کماشی ٹی پمز (PIMS) ہسپتال اٹی خاخر لگنگ نا است ہسون واقعہ نا بابت اسہ بڑزکو کہولیدیوان اس اڈ ہلک، ہراٹی جاست پاستی کمیٹی نا نیمہ رپورٹ وزیراعظم نا مون آ پیش کننگا دیوان اٹی واقعہ نا کساس 2 منٹ انا سی سی ٹی وی ویڈیو ہم نشان تننگا۔ جاست پاستی کمیٹی نا بنائی رپورٹ نا رد اٹ وزیراعظم 8 بندغ ءِ دمدستی معطل کننگ و اوفتا برخلاف سخت کارروائی نا پورو منظوری تس۔ وزیراعظم پارت کرے کہ زموار آتا برخلاف بیرہ محکمہ غاتسکان کارروائی کننگپ بلکہ اوفتا برخلاف کانود نا رِداٹ بے فرق آن سخت کارروائی ءِ پک کننگے۔ حوالی نا رِداٹ ہرا بندغ آتے زموار گوندسا نشاندہی کننگانے، اوفتے ٹی پمز انا ایگزیکٹو ڈائریکٹر پروفیسر ڈاکٹر عمران سکندر، جوائنٹ ایگزیکٹو ڈائریکٹر ڈاکٹر مطاہر شاہ، جوائنٹ ایگزیکٹو ڈائریکٹر ڈاکٹر اویس علی شاہ، نیونیٹل ڈیپارٹمنٹ نا سروک پروفیسر ڈاکٹر سعدیہ ریاض، سینئر رجسٹرار ڈاکٹر نغمہ، ڈاکٹر نوشیلہ امجد، اسسٹنٹ ڈائریکٹر سیکورٹی پمز محمد عثمان و سی ڈی اے ایمرجنسی سروس نا ڈی جی ڈاکٹر عبدالرحمن اوار ءُ۔ وزیراعظم سیکورٹی زمواری سر تروک پرائیویٹ کمپنی و اونا عہدیدار آتا برخلاف ہم سخت کانودیکارروائی نا منظوری تس۔