وزیراعلیٰ بلوچستان میر سرفراز بگٹی ناپمز اسلام آباد اٹی پیش بروک واقعہ غا ارمان

کوئٹہ، وزیراعلیٰ بلوچستان میر سرفراز بگٹی پمز (PIMS) اسلام آباد اٹی پیش بروک است ہسون سانحہ ٹی کودک آ پوسکن ودی مروک چناتا زوال مننگ آ ڈکھ وارمان کرینے۔ وزیراعلیٰ میر سرفراز بگٹی پارے کہ کودک آ چناتا دا است ہسون مروک واقعہ ٹی زوال مننگ ارمانی و مچ آ قوم اکن صدمہ نا سوب ءِ۔ ڈکھ و ارمان نا دا سخت انگا ساہت اٹی نن زہمی مروک پدخاہوت آتاغم اٹی بریبدار نا شریدار اُن۔او زوال مروک کودک آ چناتا لمہ باوہ و خاہوت تون است ہسونی و یکجہتی نا درشانی ءِ کرسا پارے کہ نن تینا ہنین تے گوہنگ نا خاہوت آتاڈکھ، ارمان تے پورو وڑ اٹ محسوس کینہ، و دا سخت آ وخت اٹی اوفتون پورو ءُ یکجہتی نا درشانی ءِ کینہ۔ وزیراعلیٰ بلوچستان دعا کرے کہ اللہ تعالیٰ ماتنی لمہ باوہ و خاہوت ءِ دا بھلا و پورو مفروک صدمہ ءِ سگنگ نا واک، ہمت، صبرِ جمیل ایتے۔ میر سرفراز بگٹی پارے کہ کودک آ چنا تا جتا مننگ نا غم بھاز سخت ءِ‘ اللہ تعالیٰ زہمی مروک خاہوت آتے دا سخت آ وخت اٹ حوصلہ و ہمت ایتے۔