وزیراعلیٰ و وزیرداخلہ نا پارت‘12 ربیع الاول آ سیکورٹی فول پروف
Get real time updates directly on you device, subscribe now.
کوئٹہ، وزیراعلیٰ بلوچستان میر سرفراز بگٹی و صوبائی وزیر داخلہ میر ضیاء اللہ لانگو نا خاص پارت آ 12 ربیع الاول نا وخت آ کوئٹہ تون اوار مچ آ بلوچستان اٹی امن و ایمنی‘ الس شاری تا جان و مال انا رکھ اکن جم بھرمی و فول پروف سیکورٹی بست و بند کننگاسس، ہرانا سوب آن عئید میلاد النبی ﷺ نا مذہبی جلوس آک پورو وڑ اٹ پرامن و آرام اٹ ایسر مسر۔ایلو کنڈ آ داخلہ باندات نا کمکار بلوچستان بابر خان یوسفزئی 12 ربیع الاول نا وخت آ اے پی پی (APP) تون ہیت وگپ کرسا پارے کہ الحمدللہ مچ آ صوبہ ٹی عئیدمیلاد النبی ﷺ نا بابرکتی آ وخت آ سیکورٹی نا بابت بھاز و ستاکڑزوک بست و بند کننگاسس۔ کانود نافذ کروک ادارہ غاک پورو زمواری، فرض شناسی و راجی خذمت نا جوان جوزہ اٹ تینا زمواری تے سرتسر۔ ہراڑکن پولیس، ایف سی و ایلو سیکورٹی ادارہ غاتا افسر و کارندہ غاتے خراجِ تحسین پیش کینہ۔