ایران نا سپریم لیڈر مجتبیٰ خامنہ ای بھاز ٹھپی ءِ‘ زوال متنے، ڈونلڈ ٹرمپ

واشنگٹن، امریکی صدر ڈونلڈ ٹرمپ پارینے کہ کنا خیال اٹ ایران نا سپریم لیڈر مجتبیٰ خامنہ ای بھاز ٹھپی ءِ ولے او زوال متنے۔اسہ انٹرویو اسے ٹی ڈونلڈ ٹرمپ پارے کہ اودے دا گمان اف کہ پوسکن آ ایرانی سپریم لیڈر زوال مسنے، ولہ اگہ دُن مسنے ہم تو ایرانی کمامدار آک بھاز جوان ءُ راگ اس کننگ اٹی ءُ انتئے کہ ایرانیک ہر باندات آ منظوری ہلنگ کن سپریم لیڈر تون دوارہ ہیت کننگ نا پدریسہ ذکر ءِ کیرہ۔ صدر ٹرمپ مستی پارے کہ اودے پورو وڑ اٹ یقین ءِ کہ ایران نا سپریم لیڈر نا چپیکو کنڈ بھاز ٹھپی مسنے۔