مسلمان ملک آتے بشخ و پانٹ کننگ نا سازش فیلڈ مارشل نا کماشی ٹی بے سہب مس،وزیراعظم محمد شہباز شریف

اسلام آباد، وزیراعظم محمد شہباز شریف پارینے کہ دشمن مچ آ ڈیہہ انا مسلمان ملک آتا نیام اٹی بشخ و پانٹ ودی کننگ نا بھاز کوشست کرے ولے مسلمان تا نیام اٹی بشخ و پانٹ نا دا لغور آ سازش ءِ فیلڈ مارشل نا کماشی ٹی پورو وڑ اٹ بے سہب کننگا۔ وزیراعظم محمد شہباز شریف قومی سیرت کانفرنس آن تران کرسا پارے کہ پاکستان، سعودی عرب و ترکیہ نا نیام اٹی مکہ اسیجائی دفاعی معاہدہ مس، ہراڑے فیلڈ مارشل سید عاصم منیر نا امن و سلامتی کن سر تروک خذمت آتا ستاءِ کینہ و اوفتے خراجِ تحسین پیش کینہ۔ وزیراعظم پارے کہ امن نا دشمن آک مسلم ملک آتا نیام اٹی بدبیسئی و خار تالان کننگ اٹی پورو وڑ اٹ بے سہب مسر، بھارت نا برخلاف مروک آ جنگ اٹی مچ آ قوم اسٹ ئس۔ وزیراعظم شہباز شریف پارے کہ ترکیہ و سعودی عرب ننا ہمو سنگت آک ءُ ہرافک ننا ہر وخت اٹ پاکستان تون پبی کمکاری کریر و نن تون سلوک مسر۔ سعودی ولی عہد شہزادہ محمد بن سلمان پاکستان تون اسہ سوگو ءُ آہنی دیوال اسے آنبار سلوک ءِ۔ وزیراعظم پارے کہ سیرت کانفرنس اڈ تننگ آ کل عالم دین تے خراجِ تحسین پیش کینہ۔ اینو نا دا بھلا مچی دا ہیت ءِ یات ترفک کہ نن کل اسہ ملت اسے ان، ننا پوسکن آ چین مچ آ قوم انا اومیت تا بن ءِ‘ نن ہرا وڑ انا چین تیار کرین ہمو وڑ ننا آخبت مریک۔