صوبائی سلاہکار محکمہ زالبول شونداری ڈاکٹر ربابہ خان بلیدی نا پمز اٹ چناتا زوال مننگ نا است ہسونی نا درشانی
Get real time updates directly on you device, subscribe now.
کوئٹہ، صوبائی سلاہکار محکمہ زالبول شونداری ڈاکٹر ربابہ خان بلیدی نا پمز (PIMS) ہسپتال نا نرسری ٹی خاخر ہلنگ نا نا سوب آن کودک آ پوسکن ودی مروک چناتا زوال مننگ نا است ہسون واقعہ غا ڈکھ و ارمان و است ہسونی نا درشانی ءِ کرسا اودے است ہسون کروک سانحہ اس گوندانے تینا بیان اٹی ڈاکٹر ربابہ خان بلیدی پارے کہ کودک آ چناتا دا است ہسون واقعہ ٹی زوال مننگ اسہ ہندن ءُ پورو مفروک ءُ نسخان اسے ہرا مچ آ الس و ہر بندغ بھاز ارمانی کرینے۔ چناک تینا لمہ باوہ کن اومیت‘ خوشی و روشنا آخبت نا پجار مریرہ، و کودک آ چناتا دا وڑ دنیا غان ہننگ بھاز ارمانی‘ تکلیف تروک‘ بیان مفروک صدمہ اسے‘۔ او زوال مروک چنا تا لمہ باوہ وخاہوت تون ہمدردی و است ہسونی نا درشانی ءِ کرسا پارے کہ ڈکھ و آزمائشت نا دا سخت انگا وخت اٹی نن زہمی مروک خاہوت نا غم اٹی بریبر نا شریدار اُن۔