این ایف سی ایوارڈ ٹہیفنگا وزیر اعظم چیئرمین تے مریک

اسلام آباد : صدر مملکت عارف علوی 10 می قومی مالیاتی کمیشن (این ایف سی) ءِ ٹہیفینے، وزیر خزانہ نا حیثیت اٹ وزیر اعظم عمران خان قومی مالیاتی کمیشن نا چیئرمین مریک، وخت اس کہ خزانہ سلاہکار و ہر چار آ صوبائی وزیر خزانہ غاک ہم کمیشن نا باسک ءُ، خزانہ سلاہکار ءِ وزیرخزانہ نا ساڑی مفننگ نا دے تیٹی قومی مالیاتی کمیشن نا کماشی نا واکداری مریک، قومی مالیاتی کمیشن 23اپریل 2020ءآن مو¿ثر مریک۔ نوٹیفکیشن نا رد اٹ بنجائی سیکرٹری خزانہ سرکاری وڑ اٹ چاہندار نا حیثیت اٹ کمیشن اٹ اوار مریک، بلوچستان آن جاوید جبار قومی مالیاتی کمیشن نا باسک مریک، صوبہ سندھ آن ڈاکٹر اسد سعید و خیبر پختونخوا غان مشرف رسول کمیشن نا باسک مریرہ۔ پنجاب آن مسکوہی گورنر اسٹیٹ بینک طارق باجوہ قومی مالیاتی کمیشن نا باسک مریک۔ قومی مالیاتی کمیشن نا ضابطہ کار (ٹی او آرک) ہم جاری کننگانو، نوٹیفکیشن نا رد اٹ این ایف سی نا ٹی او آر تیٹی چار بشخ انا خڑچ ہم اوار کننگانے۔ بنجا نا کنڈ آن صوبائی حکومت آتے گرانٹ اِن ایڈ ءِ ہم ٹی او آر اٹی اوار کننگانے۔ وخت اس کہ بنجائی حکومت نا دوئی کروک وام تیٹی صوبائی حکومت آتا بشخ آ ہم شرہ کننگک۔ نوٹیفکیشن نا رد اٹ گلگت بلتستان، آزاد کشمیر و مسکوہی فاٹا کن وسیلہ جتا کننگ ہم این ایف سی نا بشخ اس مریک۔