بلوچستان اٹی نائب تحصیلدار آتا بھرتی تے بلوچستان پبلک سروس کمیشن نا کمک اٹ کرفنگ نا منظوری
Get real time updates directly on you device, subscribe now.
کوئٹہ : وزیراعلیٰ بلوچستان جام کمال خان نا کماشی ٹی صوبائی کابینہ نا دیوان اٹی چندی اہم انگا باندات آتا جاچ ءِ ہلسا امنائی فیصلہ کننگا۔ کابینہ نائب تحصیلدار نا 58 خورک اسامی تیا پبلک سروس کمیشن نا کمک اٹ بھرتی نا منظوری ءِ تِس۔ فیصلہ بھرتی نا عمل اٹ میرٹ و شفافیت ءِ پک کننگ کن ءِ۔ کابینہ کوئٹہ ٹی پائیلٹ پروجیکٹ نا وڑ اٹ شاری جائیداد آتا خراج تون گنڈوک باندات آتا جی آئی ایس آ تالان کمپیوٹرائزیشن سسٹم نا ٹہیفنگ نا منظوری ءِ ہم تس۔ ڈٹ آ بلوچستان یونیورسٹی آف انفارمیشن ٹیکنالوجی اینڈ مینجمنٹ سائنسز نا کمک اٹ عملدرآمد کننگک۔ دا گام گیج نا مسخت پراپرٹی ٹیکس نیٹ ءِ تالان کننگ ءِ۔ کابینہ روشن بلوچستان پروگرام نا رد اٹ شمسی توانائی نا کمک اٹ خلق آتا طبی ہند و تعلیمی ادارہ غتے بجلی فراوانی نا ڈٹ اٹی ترمیم نا منظوری ءِ تِس ہرانا رداٹ پروگرام نیشنل گرڈ تون گنڈنگپروک و نیشنل گرڈ تون گنڈوک مُر انگا علاقہ غاتے کن ہم ارے۔
(خ ن)