16 دے ئی استاد ہیلکاری پروگرام پسنی ٹی سرسہبی اٹ ایسر
Get real time updates directly on you device, subscribe now.
پسنی،گلوبل پارٹنرشپ فار ایجوکیشن (GPE) و یونیسیف (UNICEF) نا کمکاری اٹ پرووینشل انسٹیٹیوٹ فار ٹیچر ایجوکیشن (PITE) بلوچستان نا کنڈآن خواندگی و عددی چاہنداری نا شون تننگ کن 16 دے ئی استاد ہیلکاری پروگرام پسنی ٹی سرسہبی اٹ ایسر مس۔ ہیلکاری ورکشاپ اٹی پسنی آن 31 استاد آک بشخ ہلکر، ہراڑے ماسٹر ٹرینر نذیر باہوٹ و حاکم حکیم شریدار آتے پوسکنوڑ تدریسی وڑوڈول‘ خواندگی، عددی چاہنداری و گچین تعلیمی حکمت عملی تا حوالہ اٹ عملی ہیلکاری فراوان کریر۔ ہیلکاری ورکشاپ نا اخیر اٹ شریدار آتے ٹی سرٹیفکیٹ بشخ وپانٹ کننگا‘ ہراٹی گورنمنٹ بوائز مڈل اسکول اورماڑی محلہ پسنی نا ہیڈ ماسٹر سخیداد، لرننگ کوآرڈینیٹر موسی اُمیت، بنجائی چیئرمین PWOD پرویز سفر و راجی کارندہ میر سلمان کلمتی بشخ ہلکر۔