پرائیویٹ حج اسکیم 2027 ء کن پیسہ ہلنگ انگ نا باقاعدہ بنا کننگا،ترجمان وزارت مذہبی باندات
پرائیویٹ حج انا بکنگ و زرتس بیرہ پاک حج ایپ و حج پورٹل نا کمک اٹ امنا کننگ مریک
Get real time updates directly on you device, subscribe now.
اسلام آباد، پرائیویٹ حج اسکیم 2027 کن زرتس آتا ہلنگ نا بنا مس۔ پرائیویٹ حج انا بکنگ و زر تننگ بیرہ پاک حج ایپ و حج پورٹل نا کمک اٹ امنا مریک۔ پرائیویٹ حج اسکیم نا کل مالی باندات آتے بیرہ حج پورٹل نا کمک اٹ سر کننگ نا پارت کننگانے۔ نیشنل آئی ٹی بورڈ نا تیار کروک حج پورٹل یا پاک حج ایپ نا کمک اٹ مجاز حج کمپنی نا گچین کننگ مریک۔ پرائیویٹ حاجیک درکار حج پیکیج ءِ ہم حج پورٹل نا کمک اٹ گچین کننگ کیرہ۔ ترجمان مذہبی باندات نا رِد اٹ پرائیویٹ حاجیک زرتس تننگ ءِ حج پورٹل نا کمک اٹ اُراٹی تولسا کننگ کیرہ۔ وزارت نا کنڈ آن اسہ کمپنی اسے دراست زر ہلنگ نا موکل اف، غیر مجاز ایجنٹ یا بندغ آتے زر تروک حاجیک تینا نسخان نا تینٹ زموار مریرہ۔ پاک حج ایپ و حج پورٹل نا کمک اٹ پرائیویٹ حج نا زرتس نا ہلنگ نا کاریم شفاف و وزارت نا چاروکی ٹی پورو مریک۔ ترجمان نا رِد اٹ حاجیک نسخان وریفنگ آن بچنگ کن بیرہ وزارتِ مذہبی باندات نا مجاز ڈیجیٹل نظام تون رابطہ کیر۔ پرائیویٹ حج اسکیم اٹی مست آن رجسٹرڈ مروک حاجیک مجاز کمپنی و پیکیج نا گچین کاری ءِ پاک حج پورٹل نا کمک اٹ کیر۔ ترجمان پارے کہ حاجیک کس ءُ مجاز یا غیر مجاز کمپنی اسے چیک یا نغد زر تفس۔ وزارتِ مذہبی باندات حاجی تے ریفنگ آن بچفنگ کن غیر مجاز وسیلہ غاتیان زر تفننگ نا سخت پارت کرینے۔ حج پورٹل یا پاک حج ایپ انا کمک اٹ پرائیویٹ حج اسکیم اٹی پوسکن آ رجسٹریشن نا کاریم ہم برجا ءِ۔ دا سال پرائیویٹ حج اسکیم نا کوٹہ 71 ہزار 696 پک کننگانے۔