نائب وزیراعظم و وزیرِ خارجہ اسحاق ڈار نا دورہِ برطانیہ

نائب وزیراعظم و وزیرِ خارجہ محمد اسحاق ڈار 24 آن 28 اگست اسکان برطانیہ نا سرکاری دورہ ءِ کیک۔ نائب وزیراعظم و وزیرِ خارجہ اسحاق ڈار برطانوی وزیرِ خارجہ ایڈ ملی بینڈ تون اوڑدہی کیک۔ ترجمان دفترِ خارجہ نا رِد اٹ اسحاق ڈار برطانوی دفترِ خارجہ نا وزیرِ مملکت پاکستان اسٹیفن ڈاٹی تون ہم اوڑدہی کیک۔ نائب وزیراعظم/ وزیرِ خارجہ برطانوی حکومت نا ایلو بڑزکو کمامدار آتتون ہم اوڑدہی کیک۔اسحاق ڈار جہانی میری ٹائم آرگنائزیشن نا سیکرٹری جنرل تون ہم اوڑدہی کیک۔ دا اوڑدہی ٹی صومالی قزاق آتا کوزہ غا ساڑی آئل ٹینکر ‘ایم ٹی انر 25’ نا پاکستانی کارندہ غاتا باندات آ گپ مریک۔ اسحاق ڈار دولتِ مشترکہ نا سیکرٹری جنرل شرلی الیکور بوچوے تون ہم اوڑدہی کیک۔ نائب وزیراعظم برطانوی پارلیمنٹ نا باسک آتتون ہم اوڑدہی کیک۔ اسحاق ڈار برطانیہ ٹی ساڑی پاکستانی کمیونٹی نا نمائندہ غاتتون ہم اوڑدہی کیک۔ نائب وزیراعظم نا دورہِ برطانیہ 24 آن 28 اگست اسکان برجا سلک۔