کوئٹہ اٹی واسا نا کانود آن چَپ دیر انا کنکشن تا برخلاف کارروائی
Get real time updates directly on you device, subscribe now.
کوئٹہ، اسپیشل مجسٹریٹ واسا حبیب الرحمن کاکڑ گوالمنڈی چوک و حاجی غیبی روڈ انا علاقہ غاتیٹی کانود آن چَپ واٹر کنکشن تا برخلاف کارروائی کرسا کیہی کارخانہ غاتا کانود آن چَپ دیر انا کنکشن آتے کاٹ کرے۔ وخت اس کہ پنچ کارخانہ ءِ سیل کرسا مالک آتے نوٹس ہم جاری کرے۔ حوال نارد اٹ واسا کمامدار آتا کنڈ آن شار اٹی کانود آن چَپ واٹر کنکشن آتا برخلاف برجا کارروائی تا رد اٹ اسپیشل مجسٹریٹ واسا حبیب الرحمن کاکڑ نا کماشی ٹی گوالمنڈی چوک و حاجی غیبی روڈ آ جتا جتا کارخانہ و صنعتی یونٹ آتا جاچ ءِ ہلنگا۔ کارروائی نا وخت آ چندی ہند آتیا کانود آن چَپ خلوک واٹر کنکشن آتا نشاندہی مس، ہرافتے دمدستی وڑ اٹ کاٹ کننگا۔دا وخت آ ضابطہ غاتیان چَپ کاریم کروک پنچ کارخانہ ءِ سیل ہم کننگا، وخت اس کہ تعلقدار مالک و انتظامیہ ءِ کانودی نوٹس جاری کننگا۔ واسا کمامدار آک پیدوار کریر کہ دیر انا کانود آن چَپ کاریم اٹ اتنگ ہچ ءُ وڑ اسے ٹی سگنگ مفک و دا وڑ انا بندغ آتا برخلاف کانود نا رِد اٹ کارروائی برجا سلک۔