ڈپٹی کمشنر نصیرآباد وریندر لعل ضلع ٹی برجا و پورو مروک شونداری ڈٹ آتا جاچ ءِ ہلک

نصیرآباد، ڈپٹی کمشنر نصیرآباد وریندر لعل ایکسین بی اینڈ آر و ایس ڈی او عابد علی پہنور تون اوار ضلع نصیرآباد نا چندی علاقہ غاتیٹی السی آسودگی و آسراتی کن برجا و پورو مروک شونداری ڈٹ آتا جم جاچ ءِ ہلک۔ دا وخت آ او پورو مروک ڈٹ آتا پیش رفت، تفوئی آب و السی گرج انا بابت جاگہ غا پورو جاچ ءِ ہلک۔دورہ نا دوران ڈپٹی کمشنر جتا جتا بلیک ٹاپ روڈ آتا ڈٹ آتا جاچ ءِ ہلک، ہرافتے ٹی بلیک ٹاپ روڈ محمد نواز کھوسہ، محمد نواز سرپرہ، سردار چنگیز خان ساسولی، امان اللہ ثناء اللہ نیچاری، سید خیر محمد شاہ، محمد عمر باری شاخ، میری شوکت بنگلزئی منجوشوری، منظور بنگلزئی منجوشوری، حاجی مولاداد عمرانی تمبو تا میرواہ، میرواہ تا حاجی خان عمرانی، پٹ فیڈر کینال حسین پندرانی منجوشوری، بالان شاخ گوٹھ غلام مصطفیٰ سرپرہ تا عبدالباقی سرپرہ تون اوار ایلو شونداری ڈٹ آک اوار ئسر۔ ڈپٹی کمشنر جتا جتا ڈٹ آتا تفوئی ریسہ نا خوڑتی اٹ جاچ ءِ ہلسا جاگہ غا ساڑی تعلقدار افسر آتیان ڈٹ آتا خڑچ کاریم نا ترندی کاریم اٹ بروک تفوئی میٹریل و پک مروک وخت انا بابت بریفنگ ہلک۔ او پارت کرے کہ کل شونداری ڈٹ آتیٹی پک مروک آب و تفوئی اصول آتیا پورو عملدرآمد ءِ پک کننگے و ہچ ءُ حالیت اسے ٹی آب آ ہچ ءُ سمجھوتہ اسے نا موکل تننگ مفک۔