زیارت اٹی وزیراعلیٰ بلوچستان میر سرفراز بگٹی نا پرمان آ استاد آتے کن پریمیم ہیلکاری ناپروگرام اڈ ہلک
Get real time updates directly on you device, subscribe now.
زیارت، وزیراعلیٰ بلوچستان میر سرفراز بگٹی نا پرمان، ڈپٹی کمشنر عبدالقدوس اچکزئی نا پارت و ڈسٹرکٹ ایجوکیشن افسر نا چاروکی ٹی گورنمنٹ بوائز ہائی اسکول کان ڈپو ضلع زیارت اٹی اسکول و ایلو فیڈنگ اسکول آتا جے وی ٹی (JVT) استاد آتے کن ‘پروفیشنل ڈیولپمنٹ ڈے ‘ نا دود اڈ ہلک۔دا ہیلکاری پروگرام اٹی اسکول تون اوار شیفکو اسکول آتا دَہ جے وی ٹی استاد آک بشخ ہلکر۔ دا ہیلکاری پروگرام اٹی ڈسٹرکٹ آفیسر ایجوکیشن زیارت عبد المالک تاج خاص وڑ اٹ بشخ ہلک‘ پروگرام نا باقاعدہ بنا کلامِ پاک نا تلاوت آن مس۔شرفدار عبدالمالک تاج اسہ دے ئی ہیلکاری پروگرام نا شریدار آتتون نشست و جم گپ وتران کرے۔ او پروگرام اٹی بشخ ہلوک استاد آتا است خواہی آ تینا پورو است جمی نا درشانی ءِ کرے، وخت اس کہ بے پاننگ آک رخصت ہلوک، استخواہی نشان تفروک‘ کسبی زمواری تے ٹی ڈیوالئی و دا اہم و یکتا معلومداری پروگرام ءِ گوجالنگ آ غیر حاضر استاد آتیا بھاز ترند مس و بروک آ وخت اٹی ڈیوالئی کروک استاد آتا برخلاف سخت کارروائی کننگ نا پارت کرے دیوان اٹی شریدار آتے پروگرام نا کل مسخت آتا بابت سرجم حوال تس و ہرا پوسکن گچین مروک استاد آک ئسر اوفتے ٹی دا اہم و جتا انگا کاز انا بابت پام و آگاہی تالان کرے۔