ڈپٹی کمشنر ہرنائی ارشد حسین جمالی نا مین بازار نا دورہ

ہرنائی، ضلع ہرنائی ٹی رکھ انا حالیت و وایمنی حالیت آتے مون آ تخسا ڈپٹی کمشنر ہرنائی ارشد حسین جمالی مین بازار نا دورہ ءِ کرے . دورہ نا وخت آ او ہندی دکاندار، پوریاگر تپہ و شاری تپہ غاتتون دراست اوڑدہی کرے، علاقہ نا حالیت نا جم جاچ ءِ ہلک و رکھ انا گام گیج آتتون گنڈوک السی گڑتی تے خف تورے ڈپٹی کمشنر ہرنائی بازار نا جتا جتا بشخ آتا پیادہ دورہ ءِ کرے و ریڑھی والا‘ دکاندار و گڑا ہلوک آتتون ہیت کرے و پوریاگر تپہ ءِ مون تروک ویل و اوفتا رکھ و سلامتی نا گڑتی تا جم جاچ ءِ ہلک دا وخت آ ہیت وگپ کرسا او پارے کہ ضلعی انتظامیہ و سیکورٹی ادارہ غاک ہر ساہت سنبرینگوک ءُ و الس تون اوار ہم کوپہ سلوک ءُ او پوریاگر آتے باور کرفے کہ بازار و واپاری ہند آتا رکھ ءِ فول پروف کننگ کن کل دوئی وسیلہ غاتے کاریم اٹ اتنگ انگ ءِ تاکہ ہڑدے ئی کاروباری باندات آک بے اڑاند و خلیس آن برجا سلنگ کیر۔