عرب لیگ نا لبنان آ اسرائیلی جلہو آتا مذمت، 11 زوال آ گڑتی
Get real time updates directly on you device, subscribe now.
قاہرہ، عرب لیگ لبنان آ اسرائیل نا پدریسہ جلہو آتا سخت انگا لوز آتے ٹی مذمت ءِ کرسا تدوک آ دے مروک آ جلہو آتے “خطرناک چک و تاڑ” گوندانے‘ ہرافتے ٹی 11 بندغ زوال مسر۔ عرب لیگ نا رِد اٹ اسرائیل جلہو آتیٹی زوت آتیٹ مروک ٓ ودکی جنگ بندی نا کوشست و چک وتاڑ نا سیاسی ایسری کن برجا سفارتی کوشست آتے زہمی کننگ کیک۔ عرب لیگ نا ترجمان پارے کہ اسرائیل نا پالیسی و گام گیج آک پیدوار کیرہ کہ کوزہ گیر فوج جھیڑہ ءِ مرغن کننگ، مذاکرات اٹی اڑاند شاغنگ و ڈغاری راستی تے تینا منشا نا رداٹ بدل کننگ نا کوشست کننگ اٹی ءِ‘ ہرادے ہچ ءُ وڑ اسے ٹی امنا کننگ مفک۔ ترجمان ہوشیار کرے کہ ساڑی حالیت جھیڑہ ءِ پین علاقہ غاتسکان تالان کننگ نا سوب مننگ کیک۔ عرب لیگ جہانی برادری، خاص وڑ اٹ امریکہ غا زور شاغا کہ اسرائیل نا جلہو آتے توننگ و اودے اقوامِ متحدہ نا سلامتی کونسل نا قرارداد 1701 آ عملدرآمد نا پابند کننگ کن بھرمی کڑد ادا کے۔ ترجمان نا رِد اٹ اگہ عالمی برادری دا رد اٹ بے سہب مس تو ڈیہہ اٹی حالیت آتا پین خراب مننگ نا خلیس ارے۔