خاران آپریشن نا سرسہبی آ صدر زرداری نا سیکورٹی فورس آتا ستا

صدر مملکت آصف علی زرداری بلوچستان نا ضلع خاران اٹی سیکورٹی فورس آتا سرسہب انٹیلی جنس بیسڈ آپریشن نا ستاءِ کرسا سیکورٹی فورس آتیخراجِ تحسین پیش کرینے۔ صدر مملکت پارے کہ فتنہ الخوارج نا دہشت گرد آتا ہند آتا بھس کننگ و بھلو کچ اسے ٹی سلہہ و منچر دوئی مننگ اہم ءُ سرسہبی اسے۔ آصف علی زرداری پارے کہ درملکی کاٹم خواجہی ٹی متحرک دہشت گرد آتا برخلاف کارروائیک ملکی سلامتی و قومی فائدہ نا رکھ اکن المی ءُ۔ صدر مملکت سیکورٹی فورس آتاکسبی لائخی و عزم انا ستا ءِ کرسا پارے کہ دہشت گردی نا برخلاف جنگ اٹی قوم سیکورٹی فورس آتاقربانی تے شرف ایتک۔ او پارے کہ مچ آ قوم دہشت گردی نا برخلاف جنگ اٹی پاکستان نا سیکورٹی فورس آتتون اوار سلوک مریک و ملک انا امن و سوگوی ءِ نسخان رسیفوک آتا برخلاف کارروائی تا پبی مخ تفی ءِ کیک۔