محسن نقوی نا ڈی ایس پی مرید بگٹی شہید ءِ خراج عقیدت

بنجائی وزیر داخلہ محسن نقوی وطن کن جان ءِ ندر کروک آ بہادر ڈی ایس پی مرید بگٹی شہید ءِ خراج عقیدت پیش کرے۔ تینا بیان اٹ وزیر داخلہ محسن نقوی پارے کہ ڈی ایس پی مرید بگٹی بارکھان نا علاقہ رکنی ٹی آپریشن آ ہنسا شہیدی نا عظیم ءُ رتبہ اس دوئی کرے۔ ڈی ایس پی مرید بگٹی شہید، شجاعت، فرض شناسی و قربانی نا لازوال درور اسے۔ محسن نقوی پارے کہ بارکھان اٹ امن نا خاطر سینہ سپر مروک آ بہادر ڈی ایس پی مرید بگٹی قوم انا گمر ءِ۔ ڈی ایس پی مرید بگٹی شہید انا عظیم قربانی ءِ سلام۔ قوم بلوچستان پولیس نا بہادر گلزادہ نا قربانی ءِ مدام یات تخک۔ وزیر داخلہ محسن نقوی ڈی ایس پی مرید بگٹی شہید انا خاہوت تون ہمدردی و ہڑزخواہی نا درشانی ءِ کرے۔