شہداء زیارت نا تینائی تا لیویز بحالی نا ہچ ءُ خواست اس الو، صوبائی وزیرک
Get real time updates directly on you device, subscribe now.
صوبائی وزیر پاکستان پیپلز پارٹی میر ظہور احمد بلیدی، بلوچستان عوامی پارٹی نا صوبائی وزیر داخلہ میر ضیاء اللہ لانگو، پاکستان مسلم لیگ (ن) نا صوبائی وزیر خزانہ میر شعیب نوشیروانی و سلاہکار گوازی مینا مجید بلوچ اسک پارینو کہ حکومت امن نا بحالی ءِ پک کرسا قومی شاہراہ تے رکھوک جوڑ کننگ کن گام گیج کننگ اٹی ءِ‘ شہداء زیارت نا تینائی تا لیویز نا بحالی نا ہچ ءُ خواست اس الو۔ سیف سٹی پروجیکٹ نا کیمرہ غاتے ہڑتال آتا وخت آ رسینگوک نسخان تیان پد اوفتا جوانی کن کاریم کننگ انگ ءِ۔ دا خیال آتا درشانی او چارشنبے نا دے وزیراعلیٰ سیکرٹریٹ اٹی وزیراعلیٰ بلوچستان میر سرفراز بگٹی نا کماشی ٹی اڈ ہلوک صوبائی کابینہ نا دیوان اٹی مروک فیصلہ غاتا بابت میڈیا ءِ بریفنگ ترسا کریر۔