نوشکے ٹی امن ایمنی نا حالیت نا سوب آن مسہ دے کن کرفیو نافذ
Get real time updates directly on you device, subscribe now.
بلوچستان نا ضلع نوشکے ٹی امن وایمنی نا حالیت نا سوب آن 3 دے اکن کرفیو نافذ کننگا۔ دا وخت آ شاری تے اُراتیٹی مننگ نا پارت کننگانے۔ محکمہ داخلہ بلوچستان نا نوٹیفکیشن نا رِد اٹ امن و ایمنی نا خراب حالیت نا سوب آن ضلع نوشکے ٹی سے شنبے 31 جولائی نا نن 8 بجہ غان کرفیو نافذ مریک۔ نوٹیفکیشن نا رِد اٹ کرفیو نا سوب آن ضلع نوشکے ٹی بے موکل اُرا تیان پیش تمنگ، ہن و بر، السی مچی، جلوس و بے گرج سفر آ رکھ خلوک مریک۔ نوٹیفکیشن اٹی پاننگانے کہ ڈپٹی کمشنر سرکاری ملازم، میڈیکل، ریسکیو و یوٹیلٹی کارندہ غاتے استثنیٰ تننگ کیک۔ نوٹیفکیشن نا رِد اٹ کرفیو نا خلاف ورزی آ کانود نا رِد اٹ سخت کارروائی کننگک۔