خیبر و نوشکے ٹی اسیجائی آپریشن تا وخت آ 32 دہشت گرد خلنگانو،آئی ایس پی آر

سیکورٹی فورس آتا بھارتی مخ تفی ٹی کاریم کروک ‘فتنہ الخوارج’ و ‘فتنہ الہندوستان’ نا دہشت گرد نیٹ ورک نا برخلاف خیبر پختونخوا و بلوچستان نا جتا جتا علاقہ غاتیٹی آپریشن، جامع اسیجائی آپریشن تا وخت آ 32 دہشت گرد خلنگار۔ آئی ایس پی آر نا رِد اٹ سیکورٹی فورس آک 28 و 29 جولائی نا نیامی نن، خیبر پختونخوا نا ضلع خیبر اٹی علاقہ ءِ کلیئر کرفنگ کن انٹیلی جنس بیسڈ سینیٹائزیشن و ٹارگٹڈ آپریشن کریر، دا ٹارگٹڈ آپریشن تا وخت آ سیکورٹی فورس آک دہشت گرد آتا جتا جتا ہند آتے بھرمی وڑ اٹ شست کریر و ‘فتنہ الخوارج’ تون تعلقدار24 دہشت گرد خلنگار‘ ہندا وڑ اٹ سیکورٹی فورس آک بلوچستان نا ضلع نوشکے ٹی ہم انٹیلی جنس بیسڈ کیہی آپریشن تے کریر، ہراڑے بھاز سم کاری آن پد ‘فتنہ الہند’ تون تعلقدار8 دہشت گرد خلنگار۔ آپریشن تا وخت آ دہشت گرد آتا کاریم اٹ اتوک سلہہ، گولہ بارود و دیسی ساختہ بارودی مواد ہم دوئی کرسا بھس کننگا، علاقہ ٹی ساڑی پین گمانی دہشت گرد آتا چٹفنگ کن سینیٹائزیشن آپریشن آک برجا ءُ، وژن عزمِ استحکام نا رِد اٹ سیکورٹی فورس و کانود نافذ کروک ادارہ غاتا دہشت گردی نا برخلاف بے فرق مہم پورو ترندی اٹ برجا سلک، و درملکی کاٹم خواجہی و کمک اٹ چلنگوک دہشت گردی ءِ پورو وڑ اٹ چٹفنگک۔