نسل آتیان دھاندلی ٹی بروک آتے آزاد کشمیر اٹ دُن کننگ کن الیپنہ،بلاول بھٹو

چیئرمین پاکستان پیپلزپارٹی و مسکوہی بنجائی وزیر خارجہ بلاول بھٹو زرداری پارینے کہ پی پی پی نا مقابلہ ہچ ءُ سیاسی جماعت اسے تون اف، اونا مقابلہ ہمو جماعت تون ءِ ہرا دھاندلی نا پیداوار ءِ‘ دا ہر وار دھاندلی اٹ وزیراعظم و وزیراعلیٰ جوڑ مریرہ۔ گڑھی دوپٹہ ٹی ورکرز کنونشن آن تران کرسا او پارے کہ نن چوہدری یاسین نا حلقہ ٹی دھاندلی نا نتیجہ غاتے انتئے امنا کین؟ 30 پولنگ اسٹیشن آتیا کوزہ کننگ و ٹپو خلنگ نا ویڈیو شاہدیک ساڑی اریر، دا 30 پولنگ اسٹیشن آتیا 90 درسَد ٹرن آؤٹ ءِ‘ او پارے کہ چوہدری یاسین نا حلقہ ٹی ری پولنگ کرفنگے، پیپلز پارٹی نا مقابلہ ہمو جماعت تون ءِ ہرا چین در چین دھاندلی نا پیداوار ءِ‘ سیاسی پڑ آ با تننگ ءِ امنا کننگ کن تیار اُن۔ ولے دُزی کروک آ رزلٹ ءِ امر امنا کین۔ بلاول بھٹو پارے کہ راست و مفاہمتی کمیشن جوڑ کرسا کل گڑاتے پاش کننگے۔ کشمیری الس نا وونٹ آ کس ءِ داڑیلی کننگ کن النگپک، قول کیوہ کہ ہر دُزی کروک و پُلنگوک آ نشست ءِ اوفتیان پدی ہلینہ‘ او پارے کہ ای کشمیر نا الس ءِ حق ملکیت ایتوہ‘ ای دا حق آتے توفک نا زور آ ہلپرہ ای کسر تے بند کرسا آخا بلکن گچین کاری تا کمک اٹ الس ءِ حق ترفوہ۔ پیپلز پارٹی مسہ چین آن کشمیر نا ویل اکن جنگ تننگ اٹی ءِ۔ وخت اس کہ اسہ سیاسی جماعت اس چین در چین دھاندلی نا کمک اٹ حکومت اٹی بسنے۔ بلاول بھٹو پارے کہ دا مسٹمیکو وار وزیراعظم آر او گچینکاری تا سوب آن جوڑ مس۔ وخت اس کہ پیپلز پارٹی مخالف آتا پاننگوک دھاندلی آن پد ہم السی مخ تفی اٹ اقتدار اٹ بریک۔ بلاول بھٹو پارے،“دا مظفر آباد ءِ‘ سری نگر اف، داڑے دھاندلی مننگ کپک دا بندغ آک فارم 47 نا بنداو آ اقتدار اٹ تولوک ءُ‘ بنجائی حکومت نا بے سہب پالیسی تا سوب آن کشمیری الس اوفتیان بدبیسہ ءِ۔ او پارے کہ کشمیری الس نا فیصلہ ءِ کشمیری الس نا جند کیک پین کس کپک۔