نیب بلوچستان نا غاو دیوان 30 جولائی آ شاہراہِ گلستان کوئٹہ کینٹ اٹ مریک

نیب بلوچستان نا غاو دیوان 30 جولائی، پنچ شنبے نادے سُہب انا11 بجہ غان 1 بجہ اسکان نیب انا صوبائی دفتر شاہراہِ گلستان کوئٹہ کینٹ اٹ مریک۔ نیب انا ترجمان نا کنڈآن جاری بیان نا رداٹ درخواست کروک آتیان خواست کننگانے کہ او تینا نوشتہی غاوتیٹی تینا پن و باوہ نا پن، قومی شناختی کارڈ نا کاپی، پورو ڈس و نشان، ہور انا نشان، دستخط، رابطہ نمبر، اُرا، و ای میل ءِ ساف ساف نوشتہ کیر۔ پیدوار کننگک کہ چیئرمین نیب انا پارت آتا رداٹ داسہ نیب گمنام یا فرضی غاو تیا کارروائی کپک۔ بیرہ ہمو پک آغاو ہرا نیب انا کاریمی دنگ آ پورو بریرہ اوفتیا کانود نا رداٹ کارروائی کننگک۔ دا وڑ انا غاوتیا کارروائی آن مست غاو تروک آڑان بیانِ حلفی اسٹامپ پیپر آ ہلنگک۔ کل ءِ معلومداری تننگک کہ نیب اٹ غاوتے نمان وڑ اٹ جمع کرفنگ مریک۔ مہالو، ڈاک انا کمک اٹ یا تینٹ نیب بلوچستان دفتر، شاہراہِ گلستان، کوئٹہ کینٹ اٹ‘ ایلو، ای میل نا کمک اٹ، ڈاک انا کمک اٹ یا تینٹ نیب انا غاوتا دفتر، ڈی سی آفس، انسکمب روڈ، کوئٹہ غا راہی کننگ مریک۔