صدر مملکت نا فرانس و اسپین نا جنگل آتیٹی خاخر لگنگ آ است ہسونی

صدر مملکت آصف علی زرداری فرانس و اسپین نا جنگل آتیٹی خاخر لگنگ آ ڈکھیائی و است ہسونی نا درشانی ءِ کرسا، داٹی نہادی جان تا زیان و بھسکاری آ است ہسونی نا درشانی ءِ کرینے۔ ایوانِ صدر نا پریس ونگ آن سے شنبے نا دے آجاری بیان نا رداٹ صدر مملکت زہمی خاہوت آتتون ہڑزخواہی و ہمدردی نا درشانی ءِ کرے۔ صدر آصف علی زرداری پارے کہ پاکستان فرانس و اسپین نا حکومت و الس تون یکجہتی نا درشانی ءِ کیک۔ او فائر فائٹرز و کمکی کارندہ غاتے خراجِ تحسین پیش کرسا پارے کہ موسمیاتی بدلی مچ آ انسانیت کن اسہ اسیجائی ءُ چیلنج اسے۔ صدرِ مملکت پارے کہ پاکستان ہم موسمیاتی بدلی نا بھسکار زہم تیان بھاز زہمی مروک ملک آتیٹی اوار ءِ۔ او پارے کہ اسیجائی چیلنج آتتون مون تننگ کن جہانی یکجہتی و اجتماعی کوشست المیءِ۔