اولیکو آل چاغی شہید مسعود جان شوٹنگ بال ٹورنامنٹ ایسر
Get real time updates directly on you device, subscribe now.
اولیکو آل چاغی شہید مسعود جان شوٹنگ بال ٹورنامنٹ گچین وڑ اٹ ایسر مس، سدیر جان شوٹنگ بال کلب چمپین گوندانگا۔ چاغی ٹی شہید سلطان محمود جان سنجرانی گراؤنڈ اٹی اڈ ہلوک ٓ اولیکو آل چاغی شہید مسعود جان شوٹنگ بال ٹورنامنٹ گچین وڑ اٹ پورو مس۔ فائنل میچ اٹی شہید صفدر جان سنجرانی شوٹنگ بال کلب دالبندین و سدیر جان شوٹنگ بال کلب چاغی نا نیام اٹی سخت مقابلہ مس، ہراٹی سدیر جان شوٹنگ بال کلب گچین گوازی کرسا سرسہبی دوئی کرے و ٹرافی ءِ تینا پن آ کرے۔ فائنل میچ انا خاص انگا مہمان نواب پینل نا بانی نواب دستگیر محمد حسنی ئس، ہرانا گراؤنڈ آ بننگ آ گوازی گر‘ منتظم و ہروک آک جم وجوش اٹ بخیر کریر تے۔ داوخت آ نواب دستگیر محمدحسنی ہڑتوم آ ٹیم تا است بڈی کن 20 ہزار روپئی نغد انعام نا پڑو ہم کرے۔ دا وخت آ نواب دستگیر محمدحسنی تون قبائلی و سیاسی راہشون و کونسلر حاجی احسان محمدحسنی، میر پسند خان مینگل، حاجی پرویز محمدحسنی، حمید جان حسنی و ایلو شرفدار آک اوارہم ئسر۔ چاغی (نامہ نگار)