ڈونلڈ ٹرمپ نا عراق نا پوسکن آ وزیراعظم ءِ جم و جوش اٹ بخیر

امریکی صدر ڈونلڈ ٹرمپ تدوک آ دے عراق نا پوسکن آ وزیراعظم علی الزیدی ءِ وائٹ ہاؤس اٹی جم و جوش اٹ بخیر کرے و اوڑتون تینا “گچین آ ہم گرنچی” نا ستاءِ کرے۔ اوول آفس اٹی اسیجائی ہیت و گپ نا وخت آ صدر ٹرمپ پارے کہ علی الزیدی اسہ سرسہب ءُ پوریاگر شخصیت اسے ہرا سیاسی آزموندہ مفننگ آن پد ہم اقتدار اسکان سر مس، و اودے اومیت ارے کہ او نئے بیرہ عراق بلکن مچ آ نیامی دے ٹِک اٹی بھرمی سرکڑدہ فراوان کیک۔ صدر ٹرمپ مستی پارے کہ ”کنا ہیت ءِ یات کبو کنے سمائس ای کننگ اٹی اُٹ‘ دا بندغ نیامی دے ٹِک نا اسہ عظیم ءُ راہشون اس پک مریک‘ و اونا زہم مچ آ ڈیہہ اٹ تالان مریک‘ علی الزیدی تدوک آ سال مروک آ پارلیمانی گچین کاری تیان پد کیہی تُو انا سیاسی تعطل آن پد امنائی اٹ عراق نا وزیراعظم گچین مس۔