امریکہ اسہ وار ولدا نیامی دے ٹِک ءِ بھسکاری نا دنگ آ سلفے، چین

اقوامِ متحدہ ٹی چین نا آخبتی نمائندہ سن لی ایران آ امریکی جلہو تیا سخت تنقید کرسا پارینے کہ امریکہ اسہ وار ولدا نیامی دے ٹِک ءِ بھسکاری نا دنگ آ سر کرینے۔ چینی سفیر دا بیان ءِ اقوامِ متحدہ ٹی اڈ ہلوک اسہ نشست اسے نا وخت آ تس، ہراڑے او پارے کہ ایران آ امریکی فوجی کارروائیک ڈیہہ اٹ چک وتاڑ ءِ ودفنگ نا سوب مننگ اٹی ءُ و جہانی امن و سوگوی کن ہم خطرہ ءُ۔ اونا بیان ہمو وخت آ مون آ بس ہراتم امریکہ نا نمائندہ مائیک والٹز دوبہ خلک کہ چین ایران و یمن اسکان گڑاتا فراوانی ءِ توننگ کن بھرمی گام گیج کپننگ ءِ۔ چینی سفیر سن لی امریکی دوبہ ءِ پورو وڑاٹ بے بنداو گوندسا پارے کہ چین تینا برآمد نا سخت چاروکی کیک و دا رد اٹ کل تعلقدار کانود آتیا عملدرآمد کننگک۔