ڈی سی جعفرآباد نا کماشی ٹی گمانی بشام نا پِر تا رکھی گام گیج آتا بابت دیوان
Get real time updates directly on you device, subscribe now.
ڈپٹی کمشنر جعفرآباد خالد خان نا کماشی ٹی گمانی بشام نا پِر تا رد اٹ رکھی بست و بند آتا جاچ ءِ ہلنگ کن ضلعی افسر آتا اسہ اہم ءُ دیوان اس اڈ ہلک، ہراٹی غٹ تعلقدار لائن ڈیپارٹمنٹ آتا افسر و نمائندہ غاک بشخ ہلکر۔ دیوان اٹی ہر وڑ انا ہلہلہ ئی حالیت آتتون بھرمی وڑ اٹ مون تننگ کن مشینری و المی ازباب آتا دوئی مننگ‘ ہلہلہ ئی دارو تا کوڑی‘ شاری علاقہ غاتیان پِر انا دیر ءِ دمدستی کشنگ نا جم ڈٹ، فلڈ کنٹرول روم نا جوڑ کننگ، گمانی زہمی تیکن کمکی کیمپ آتا ہند آتا پک کننگ‘ آبپاشی و نکاسی نا نظام نا حساس آ ہند آتا نشاندہی، درکار فنڈ و مشینری، نوکاپی کسر و سیوریج نظام اٹی برجا اڑاند آتا چٹفنگ و نالی و سیوریج لائن آتا سفائی تون اوار چندی باندات آتیا خوڑتی اٹ سجفنگا۔