بنجائی آئینی عدالت: مونال ریسٹورینٹ ءِ بٹنگ نا فیصلہ کالعدم

بنجائی آئینی عدالت پیرسوہاوہ مونال ریسٹورینٹ ءِ بٹنگ نا فیصلہ ءِ کالعدم گوندا۔ عدالت سی ڈی اے و میٹرو پولیٹن سٹی نا اپیل ءِ منظور کرسا حکمِ امتناع ءِ ہم چٹفے۔ آئینی عدالت پارے کہ ملکیت نا فیصلہ ٹرائل کورٹ عدالتی آبزرویشنز آن زہمی مفننگ آن بیدس کیرہ وخت اس کہ انتظامی باندات آتا فیصلہ ءِ ریگولیٹری باڈیک کیرہ۔ سماعت ناوخت آ جسٹس حسن اظہر رضوی پارے کہ سپریم کورٹ نا فیصلہ ٹی بھاز آ ٹِک آتیا چکار کننگ تنے۔ کیس دائر کننگ یا اولسر جاچ آ ہم عدالت غصہ کرے ولے نن جذباتی فیصلہ کننگ کپنہ۔ وکیل احسن بھون پارے کہ عدالت کیس ءِ بھاز جوان خوانانے ہراڑا جسٹس حسن اظہر رضوی پارے کہ عدالت اٹی ننے سفت کپبو، امر سماعت ہندن پرمان جاری مریک۔ جسٹس حسن اظہر رضوی پارے کہ الف لیلیٰ نا کِسہ ءِ فیصلہ ٹی نوشتہ کپنہ، فیصلہ ءِ خوانان تو سما مس کہ بھاز آ گڑاک عدالتی کارروائی آن پیشن نا نوشتہ کننگانو۔اوکان گڈ بنجائی آئینی عدالت پیرسوہاوہ مونال ریسٹورنٹ ءِ بٹنگ نا فیصلہ ءِ کالعدم گوندا۔