چمن: ایس پی اعتزاز عارف و ڈی سی حبیب احمد نا شہید کانسٹیبل محمد سلیم نا پدخاہوت تون ہڑزخواہی
شہید نا وارث آتے حکومت نا کنڈ آن اسہ کروڑ یانزدہ لکھ روپئی نا معاوضہ نا چیک پیش کننگا شہداء نا قربانی مچ آ قوم انا نہادی میرات ءِ
Get real time updates directly on you device, subscribe now.
کوئٹہ: سپرنٹنڈنٹ آف پولیس (ایس پی) اعتزاز عارف، ڈپٹی کمشنر چمن حبیب احمد بنگلزئی و ایڈیشنل ڈپٹی کمشنر چمن فدا بلوچ اے ٹی ایف نا شہید پولیس کانسٹیبل محمد سلیم نا پد خاہوت آتون فاتحہ خوانی و ہڑزخواہی کریر۔ دا موقع آ او حکومت بلوچستان نا کنڈ آن پڑو کروک آ معاوضہ نا رِد اٹ سوگوار خاہوت ءِ 11.1 ملین (اسہ کروڑ یانزدہ لکھ) روپئی نا معاوضہ نا چیک پیش کریر۔ ایس پی چمن اعتزاز عارف پارے کہ شہداء یا قربانی مچ آ قوم انا نہادی میرات اس ارے و حکومت اوفتا اہل خانہ غاتے ہچ بیوس و بے کمک یلہ کپک۔او مستی پارے کہ حکومت بلوچستان نا منظوری نا رِد اٹ شہید نا کانودی وارث آتے زرگزرانی کمک تون اوار رہائشی پلاٹ ہم تننگ مرو۔ اونا پاننگ ئس کہ دہشت گردی نا برخلاف جنگ اٹی تینا ساہ نا نذرانہ پیش کروک آ پولیس شہداء قوم انا راستی آ ہیروک ءُ۔