ہنہ اوڑک اٹ مروک دہشت گرد جلہو نا سخت مذمت ءِ کینہ، گورنر بلوچستان

گورنر بلوچستان جعفر خان مندوخیل تدوک آ نن ہنہ اوڑک اٹی مروک دہشت گرد جلہو نا سخت انگا لوز آتیٹی مذمت ءِ کرینے۔ او غٹ قانون نافذ کروک ادارہ غاتیا زور شاغا کہ او غٹ دہشت گرد و جلہو کروک تپّہ تپہ غاتا پورو چٹفنگ کن پبی گام گیج کیر۔ تینا بیان اٹی گورنر پارے کہ تینا شاری تا جان و مال انا رکھ ءِ پک کننگ حکومت نا اولیکو زمواری ءِ۔ سلہہ بند دہشت گرد آتا جلہو اٹی ہندی قبائلی بندغ آتا شہید مننگ آ ارمان و است ہسونی نا درشانی ءِ کرسا او پارے کہ نن الس نا دا غم اٹی بریبر نا شریدار اُن۔