ڈاکٹر نوروز یعقوب نا ضلع تمپ نا جتا جتا ِ جانجوڑی مرکز آتا دورہ

وزیرِ جانجوڑی بلوچستان بخت محمد کاکڑ و سیکریٹری جانجوڑی بلوچستان مجیب الرحمٰن پنزائی نا پارت آتا رِد اٹ ڈسٹرکٹ ہیلتھ آفیسر تمپ ڈاکٹر نوروز یعقوب پوسکن ٹہیفنگوک آ ضلع تمپ نا جتا جتا مراکزِ جانجوڑی نا دورہ ءِ کرے و طبی آسراتی، عملہ نا حاضری و الس ءِ تننگوک آ جانجوڑی نا آسراتی تا جم جاچ ءِ ہلک۔ ڈسٹرکٹ ہیلتھ آفیسر تمپ آر ایچ سی نظرآباد و سی ڈی کونشقلات نا دورہ ءِ کرسا ہموکان ساڑی طبی عملہ نا حاضری ءِ چیک کرے، دارو تا کوڑی، او پی ڈی خذمت، ناجوڑ آتا ریکارڈ و ایلو شعبہ غاتا معائنہ ءِ کرے۔ او متعلقہ کمامدار و عملہ ءِ پارت کرے کہ الس ءِ جوان و وخت آ طبی آسراتی تا فراوانی ءِ پک کننگے۔ دا موقع آ ڈاکٹر نوروز یعقوب پارے کہ محکمہ جانجوڑی نا اولیکو اولیت مُر انگا علاقہ غاتیٹی جانجوڑی نا آسراتی آتے پین بھرمی و جوان جوڑ کننگ اے، تانکہ الس ءِ درمان کن خواری تا مون تروئی تمپ۔