ایران اٹی ماتن ہفتہ نا سوب آن امن مذاکرات آتے پد بٹین، ٹرمپ
Get real time updates directly on you device, subscribe now.
ایران اٹی برجا ماتن ہفتہ نا سوب آن امن مذاکرات آتے اسہ ہفتہ اسے کن پد بٹنگانے۔ امریکی صدر ڈونلڈ ٹرمپ خبر رساں ویب سائٹ ایگزیوس ءِ پارے کہ جنازہ تون تعلقدار دود آتا سوب آن ایران جنگ انا ایسری کن مروک مذاکرات آتے اسہ ہفتہ اسے کن پد بٹنگانے‘ واشنگٹن نا خیرخواہی ٹی مروک اسہ نازک ءُ جنگ بندی معاہدہ اسے آن پد چار تُو آن برجا جنگ دا وخت آ سلوک ءِ۔ ایرانی کمامدار آک پارینو کہ دا معاہدہ غان آخبت اٹی ملک ءِ بھلو زرگزرانی فائدہ رسینگک، ہرافتے او اسہ سپر پاور اسے نا برخلاف تینا سرسہبی گوندرہ۔ تدوک آ تُو مروک آ عبوری معاہدہ نا رِد اٹ ملک آن پیشن معطل کروک ایرانی میرات آتیٹی ارب آ ڈالر دوارہ بحال کننگک‘ وخت اس کہ مالی پابندی تیٹی ہم کمتی کننگک ہرا ایرانی زرگزران ءِ بھلو نسخان اس تسوسر۔