حاجی باز محمد دومڑ نا کنڈ آن ڈی آئی جی و کمشنر لورالائی نا شرف اٹی سوارہ،سنجاوی ٹی السی سرکڑدہ و انتظامی کماشی نا نیام اٹی ہم گرنچی و سیوت نا شون کن اہم ءُ دود اس اڈ ہلک
Get real time updates directly on you device, subscribe now.
صوبائی وزیرِ کنشت و فوڈ اتھارٹی حاجی نور محمد خان دومڑ نا ایلم و فوکل پرسن ہرنائی، حاجی باز محمد دومڑ نا کنڈ آن ڈی آئی جی لورالائی رینج جنید احمد شیخ و کمشنر لورالائی ڈویژن ولی محمد بڑیچ نا اعزاز اٹی دومڑ ہاؤس، کلی اڑ سنجاوی ٹی اسہ سوارہ اسے نا بست و بند کننگا۔ دود اٹی ڈپٹی کمشنر زیارت عبد القدوس اچکزئی، ایس پی زیارت عبدالملک درانی، ایڈیشنل کمشنر لورالائی اعجاز جعفر، مسکوہی ڈپٹی کمشنر سردار رفیق ترین، میونسپل کمیٹی نا چیئرمین حاجی خان محمد دومڑ، اسسٹنٹ کمشنر زیارت شار شاہ غلزئی، قبائلی و سیاسی راہشون ملک لاجور خان دومڑ، سردار عبداللہ خان ترین، ملک افضل نیازی، منان ماما، حاجی نور اللہ دومڑ، چیئرمین ملک بائع خان دومڑ، شار بہادر دومڑ، ملک عبداللہ جان دومڑ و جتا بشخ آتون تعلق تخوک آ پنی آ شخصیت و علاقہ نا شرفدار آک بشخ ہلکر۔ سوارہ نا وخت آ بشخ ہلوک آک تین پہ تینی است خواہی نا باندات، علاقہ ٹی امن و امان نا حالیت، السی ویل، شونداری ڈٹ و سرکاری ادارہ غاتا نیام اٹی بھرمی رابطہ نا شون آ تا ہیت و گپ کریر۔