بندی تا بحالی ءِ حکومت اولیت تننگ اٹی ءِ، میر سرفراز بگٹی

وزیراعلیٰ بلوچستان میر سرفراز بگٹی پارینے کہ جیل اصلاحات بلوچستان حکومت نا اہم آ اولیت آتیٹی اوار ءِ و بندی تا بحالی، آسودہی و اصلاح کن عملی گام گیج کننگ انگ ءِ‘ جیل اصلاحات کانفرنس آن تران کرسا او پارے کہ صوبائی حکومت جیل آتا رکھ ءِ بھرمی جوڑ کننگ آ خاص چکار کرینے، وخت اس کہ بندی تے پوسکنوڑ گرج آتا رِد اٹ جتا جتا فنی و کسبی ہیلکاری ہیل تننگ نا پروگرام ہم بنا کننگانو تانکہ یلہ مننگ آن پد او شرفدار ءُ روزگار اس دوئی کننگ کیر۔ وزیراعلیٰ پارے کہ بلوچستان نا ساڑی جیل آتیٹی گنجائشت کم مننگ نا سوب آن پوسکنوڑ و پوسکن ءُ وڑ انا جیل تفنگ انگ ءُ، ہراڑے بندی تے جوان ہنکین‘ طبی و اصلاحی آسراتیک فراوان کننگرہ۔ دا مسخت کن حکومت بھلو فنڈ اس ہم جتا کرینے۔ سرفراز بگٹی مستی پارے کہ جیل آتیٹی چاروکی نا نظام ءِ بھرمی کننگ کن سی سی ٹی وی کیمرہ غاک خلنگ انگ ءُ، وخت اس کہ جیل اصلاحات کمیٹی نا سلاہ تیا پورو وڑاٹ عملدرآمد برجا ءِ تانکہ صوبہ نا جیل انا نظام ءِ پوسکنوڑ کننگ مرے۔