زالبول او آئی سی وزارتی کانفرنس کن گام گیج آتے وخت آ پورو کننگے،نائب وزیراعظم محمد اسحاق ڈار
تین پہ تینی رابطہ غاتے پین گچین کرسا ایلو سلوک آ بست وبند آتے وخت آ پورو کروئی تمک، دیوان آن تران
Get real time updates directly on you device, subscribe now.
نائب وزیراعظم و وزیرخارجہ سینیٹر محمد اسحاق ڈار اسلامی کمکار تنظیم (او آئی سی) نا زالبول آتا بابت 9 می وزارتی کانفرنس کن جوڑ بڑزکو کہول انا کمیٹی نا ششمی دیوان نا کماشی ءِ کرے۔ پاکستان 12 و 13 جولائی آ دااہم کانفرنس نا مہمانداری ءِ کیک۔ چارشنبے نادے آ دفترخارجہ نا کنڈآن جاری بیان نا رداٹ دیوان اٹی کانفرنس نا تیاری تا آخیریکو ریسہ نا سرجمی اٹ جاچ ءِ ہلنگا ہراٹی پروگرام نا مسودہ، کانفرنس نا ایجنڈا، پروٹوکول، سیکورٹی و بست وبندی و لاجسٹک بست وبند، میڈیا و ابلاغی سج پام‘ بین الوزارتی رابطہ و ایلو تنظیمی باندات آک اوار ءُ۔ بڑزکو کہول انا کمیٹی دا ہیت آ سجفے کہ کانفرنس نا سرسہب اڈتننگ ءِ پک کننگ کن غٹ المی گام گیج آتے وخت آ پورو کننگے۔ کانفرنس اٹی او آئی سی نا 57 باسک ملک آک بشخ ہلیرہ ہراڑے زالبول آتے واکدار جوڑ کننگ، اواری نا مون آدننگ و مدامگی شونداری نا بابت تین پہ تینی کمکاری ءِ پین سوگو کننگ آ گپ وتران کننگک۔ نائب وزیراعظم وزارت انسانی حق انا کنڈآن کروک آ پیش رفت نا ستاءِ کرے و غٹ تعلقدار ادارہ غاتے پارت کرے کہ او تین پہ تینی رابطہ غاتے پین گچین کرسا ایلو سلوک بست وبند آتے وخت آ پورو کیر۔ دیوان اٹی بنجائی وزیرکانود، انصاف و انسانی حق سینیٹر اعظم نذیر تارڑ، بنجائی وزیر آئی ٹی و ٹیلی کمیونیکیشن شزہ فاطمہ خواجہ، وزیراعظم نا خصوصی کمکار طارق باجوہ، سیکرٹری خارجہ آمنہ بلوچ، سیکرٹری انسانی حق عبدالخالق شیخ و ایلو بڑزکو کمامدارآک بشخ ہلکر۔