ضلع دکی ٹی شاعرِ مشرق علامہ محمد اقبالؒ نا ودی دے انارد اٹ سیمینار
Get real time updates directly on you device, subscribe now.
دکی، ضلع دکی ٹی شاعرِ مشرق، مفکرِ پاکستان ڈاکٹر علامہ محمد اقبالؒ نا ودی دے ءِ قومی جم وجوش‘ عقیدت و شرف اٹ اڈ تننگا‘ دا رد اٹ ڈپٹی کمشنر دکی فضل الرحمن کبدانی نا کماشی ٹی ڈی سی آفس اٹی اسہ شرفدار ءُ سیمینار اس اڈ ہلک، ہراٹی ایس پی دکی محمد یونس رضا ہزارہ تون اوار چندی سرکاری محکمہ غاتا افسر و زند انا جتا جتا بشخ آتتون تعلقدار شخصیت آک بشخ ہلکر۔ سیمینار آن تران کرسا ترانکار آک شاعرِ مشرق علامہ محمد اقبالؒ نا بھلا قومی، ادبی، فکری و فلسفیانہ خذمت آتے خراجِ عقیدت پیش کریر۔ او پاریر کہ علامہ اقبالؒ تینا شاعری و فکر نا کمک اٹ برصغیر نا مسلمان تے ٹی آجوئی، خودداری، سیوت، خودی و بیداری نا شعور ءِ پیدوار کرے۔