ضمنی گچین کاری ٹی سرسہبی الس نا مسلم لیگ (ن) نا سرکڑدہ و حکومتی پالیسی تیا پت انا درشانی ءِ، وزیراعظم شہباز شریف
Get real time updates directly on you device, subscribe now.
اسلام آباد، وزیراعظم محمد شہباز شریف پنجاب اٹی ضمنی گچین کاری ٹی مسلم لیگ (ن) نا اومیتدار راشد بشیر ورک نا سرسہبی آ اودے است انا ہُب اٹ مبارکبادی ترسا پارینے کہ ضمنی گچین کاری تیٹی الس نا پت مسلم لیگ (ن) نا سرکڑدہ و حکومت نا پالیسی تیا پبی پت انا شاہدی ءِ۔ وزیراعظم شہباز شریف تینا کلہو اٹی پارے کہ راشد بشیر ورک نا سرسہبی آ قائد محمد نواز شریف و وزیراعلیٰ پنجاب مریم نواز شریف ءِ ہم مبارکبادی پیش کیوہ او پارے کہ دا سرسہبی کن قائد محمد نواز شریف نا مدبرانہ سرکڑدہ و وزیراعلیٰ مریم نواز شریف نا بھاز خواری ستاکڑزک‘ ہرافتا کوشست و السی خذمت نا جوزہ نا سوب آن مسلم لیگ (ن) اسہ پنی ءُ سیاسی جماعت اس جوڑ مسنے۔