علامہ اقبال مسلمان تے ٹی بیداری، خودی و آجوئی نا جوزہ ودی کرے، گورنر جعفرخان مندوخیل

کوئٹہ، گورنر بلوچستان جعفرخان مندوخیل شاعرِ مشرق علامہ محمد اقبالؒ نا ودی دے آ تینا کلہو اٹی پارینے کہ علامہ اقبال نا فکر و ولولہ انگیز شاعری برصغیر نا مسلمان تے تی بیداری، خودی، آجوئی و سیوت نا جوزہ ودی کننگ نا گچین ءُ وسیلہ اس جوڑ مس۔ اونا فکر و خیال آک نئے بیرہ برصغیر نا مسلمان تے ڈیوالئی نا تغ آن بیداد کریر بلکہمچ آ دنیا نا مسلان تے ٹی ہم اسہ پوسکن ءُ فکری کسر اس و عملی جہد انا کلہو تسر۔ علامہ محمد اقبال تینا مچ آ زند ءِ مسلمان تا فکری و اخلاقی ہیلکاری‘شونداری و مسکوہی عظمت نا بحالی کن وقف کریسس اونا شاعری نا بنداوی مسخت مسلمان تے ٹی تینے آ پتداری‘ خودی، سیوت، اجتماعی شعور و عمل نا جوزہ بیدار کننگ ئس۔ علامہ اقبال نا کلہو اسہ دور یا ڈیہہ اسسکان کچ اٹ سلپک۔