پاکستان، ترکیہ و سعودی عرب نا دفاعی و اسٹریٹجک کمکاری ٹی اہم پیشرفت
Get real time updates directly on you device, subscribe now.
اسلام آباد، پاکستان، ترکیہ و سعودی عرب نا نیام اٹی اسٹریٹجک، سیاسی و دفاعی کمکاری ءِ پین ودفنگ کن اہم ءُ پیشرفت اسے نا گمان ءِ‘ حوالی نا رِد اٹ مکہ دفاعی معاہدہ نا رد اٹ جوڑ اسٹریٹجک، سیاسی و دفاعی کمیٹی نا مسٹمیکو دیوان نومبر نا گڈیکو ہفتہ ٹی پاکستان اٹی اڈ ہلنگ ناگمان ءِ‘ ہراٹی ہرمسٹ آ ملک آتا بڑزکو سیاسی و عسکری سرکڑدہ غاک بشخ ہلیرہ‘ حوالی نارد اٹ دیوان اٹی پاکستان، ترکیہ و سعودی عرب نا وزیرخارجہ‘ وزیردفاع و آرمی چیف تا بشخ ہلنگ گمان ارے‘ ہراڑے ہرمسٹ آ ملک آتا نیام اٹ تین پہ تینی تعلقداری، دفاعی کمکاری و ڈیہہ و جہانی باندات آتیا خوڑتی اٹ جم سجفنگک حوالی نا رِد اٹ دا اہم انگا دیوان نا وزیراعظم پاکستان نا دورہ روس آن مست اڈ ہلنگ نا گمان ارے۔