اُلس نا درمان کن جوان گام گیج کننگ انگ ءِ‘ اسداللہ سمالانی

ڈیرہ مراد جمالی : اسسٹنٹ کمشنر ڈیرہ مراد جمالی اسداللہ سمالانی سول ہسپتال ٹرامہ سینٹر تون اوار ایلو بشخ آتا دورہ ءِ کرے۔ دورہ ٹی اوفتے حاضری رجسٹر و او پی ڈی رجسٹرڈ نا جاچ ءِ ہلک۔ سفائی و کمامدار آتا حاضری آ او اُست بڈی تا درشانی ءِ کرے۔ ایم ایس ڈاکٹر ایاز حسین جمالی اوفتے کل تفصیل آتیان معلومداری فراوان کرے۔ اسسٹنٹ کمشنر اسداللہ سمالانی اوڑے ساڑی ڈاکٹر و ایلو پیرا میڈیکل اسٹاف ءِ پارت کرے کہ مر انگا علاقہ غاتیان بروک آ ناجوڑ آتے جوان طبی آسراتی تا فراوانی کن ہرممکن وسیلہ غاتیان کاریم ہلنگے۔ تانکہ اُلس ءِ طبی آسراتی تا فروانی نا بابت اٹ ہچ ءُ سختی دوئی مف۔

(خ ن)