عمران خان ءِ عدالت آتون مون تروئی تمک‘ میر ضیاء لانگو

کوئٹہ : صوبائی وزیر داخلہ میر ضیاء اللہ لانگو پارینے پاکستان ءِ دا وخت آ زرگزران، سیاست و امن وایمنی نا حالیت آنبار انگا چیلنج آک مون تروک ءُ۔ دا وخت آ ہر چار آ صوبہ غاک دہشت گردی نا گواچی ءُ۔ و دہشت گردی نا مقابلہ ءِ کننگ کن نن کل ءِ اوار مروئی تمک۔ مسکوہی وزیراعظم عمران خان نا دزگیری نا بابت اٹ ملک اٹ جھیڑہ ئی آ سیاست تالان مننگ اٹی ءِ۔ ہراڑان ہر حالیت ملک ءِ نسخان مننگ اٹی ءِ۔ وزیر داخلہ میر ضیاء اللہ لانگو پارینے کہ مسکوہی وزیراعظم ءِ عدالت آتون مون تروئی تمک و دا جھیڑہ ئی آ سیاست ءِ ایسر کروئی تمک۔ او پارینے کہ دنیا ٹی بھلو سیاستدان لیڈر آنبار ذوالفقارعلی بھٹو، نیلسن منڈیلا، اسک ہم جیل آتیا ہنار۔ وخت اس کہ مسکوہی وزیراعظم مننگ نا سوب آن عمران خان بایدے کانود نا احترام ءِ کے و سیاستدان آتیا کیس مریرہ ہرافتتون اودے مون تروئی تمک۔ وخت اس کہ تینا ادارہ غا اودے پام کروئی تمک کہ دا وخت آ اوفتے ہر حالیت اٹ کانود نا احترام ءِ کروئی تمک۔

(خ ن)