کوشست کننگک کہ راشن ہر حقدار اسکان سر مرے، ڈپٹی کمشنر جعفر آباد
ریلیف پیکیج اٹی نت، سی، بورہ، چا، دال، چاول، خشک فروٹ، سابون و ایلو گڑاک اوار ءُ، عبدلرزاق خجک
Get real time updates directly on you device, subscribe now.
نصیر آباد( خ ن) ڈی سی جعفرآباد رزاق خان خجک نا چاروکی ٹی تحصیل آفس گنداخہ ٹی جتا جتا علاقہ گوٹھ غلام محمد جمالی، چوکی جمالی تون اوار اوستہ محمد اٹ کورونا دَین ناسوب آن لاک ڈاﺅن نا زہمی تے ٹی راشن بشخ وپانٹ کننگا۔ داوخت آ ڈپٹی کمشنر جعفرآباد گنداخہ پریس کلب نا صحافی تتون ہیت وگپ کرسا پارے کہ زہمی تا کمک نا ہر وڑ اٹ کوشست کننگ اٹی ان‘ دا رد اٹ ضلعی انتظامیہ ناکنڈآن دا بارن انگا راشن ءِ بشخ وپانٹ کننگانے‘ راشن اٹ نُت‘ بورہ‘ سی‘ برنج تون اوار اُرائی گرج انا گڑاک اوار ءُ‘ کوشست کننگک کہ راشن ہر حقدار اسکان سر مرے،او پارے کہ لاک ڈاﺅن نا سوب آن دیہاڑی دار مزورک کل آن زیات خوار مسنو، ولے لاک ڈاﺅن مخلوق نا رکھ اکن ءِ۔داوخت آ اسسٹنٹ کمشنر اوستہ محمد ارشد حسین جمالی، تحصیلدار گنداخہ خادم حسین کھوسہ ایس ایچ اوگنداخہ محمدپنھل جمالی، نائب تحصیلدار گل خان ڈومکی، بابو عبدالحق جمالی، بابو خان محمد لاشاری، پٹواری گل بیگ، پٹواری محمد نعمان، محمد حفیظ تون اوار گنداخہ پریس کلب نا صدر میجر جمالی وایلوصحافیک ہم ساڑی ئسر۔