امجد اسلام امجد ناکزیت آ اردو ادب نا اسہ عظیم ءُ دورا س چٹا، وزیراعظم

اسلام آباد : وزیراعظم محمد شہباز شریف پارینے کہ پنی آ شاعر و دانشور امجد اسلام امجد نا کزیت آن اردو ادب نا اسہ عظیم ءُ دور اس چٹا۔ جمعہ نادے آ اسہ ٹویٹ اٹی وزیراعظم پارے کہ اینو پنی آ شاعر و دانشور امجد اسلام امجد نا کزیت نا حالیت اٹ اردو ادب نا اسہ عظیم ءُ دور اس چٹا۔ اوتینا راگ و تصنیف آتا کمک اٹ اسہ نسل اسے نا فکری آبیاری ءِ کرے۔ اونا شاعری نا ترنم اسہ بھلو وخت اسسکان ننا خف تیٹی برسا کیک۔ اللہ تعالیٰ اودے جنت نصیب کے۔ وزیراعظم محمد شہباز شریف پنی آ شاعر، ڈرامہ نگار و مصنف امجد اسلام امجد نا کزیت آ است ہسونی نا درشانی ءِ کرینے۔ جمعہ نادے آ وزیراعظم آفس نا میڈیا ونگ آن جاری بیان نا رداٹ وزیراعظم ایماندار نا بخشش و درجہ غاتا بڑزی کن دعا و اونا وارث آتون ہڑزخواہی کرینے۔ وزیراعظم پارے کہ امجد اسلام امجد پاکستان ٹیلی ویژن ءِ وارث، فشار و سمندر کون آ یات گار راگ تس، ادب کن اونا خذمت آتے مدام یات تخنگک۔ اونا کزیت آن پاکستانی ادب اسہ عظیم ءُ مصنف و شاعر اسے آن محروم مسنے۔

(اے پی پی)