پولیو ورکر آک ننا ہیروک ءُُ‘ شہک بلوچ

کوئٹہ : ڈپٹی کمشنر کوئٹہ شہک بلوچ پارینے کہ پولیو ورکر آک ننا ہیروک ءُُ۔ خراب انگا حالیت، یخ و باسن وخت اس کہ پر اٹ اُرا اُرا غا ہنسا پولیو آن بچفنگ نا رکھوک ءُُ پڑی بٹنگ نا زمواری ءِ تے جوان وڑاٹ پورو کریر۔ پولیو نا ایسری ٹی اوفتا کڑد آن ہچ ءُُ حالیت اسے ٹی نمن مننگ کپنہ۔ ہندا سوب آن ننے آ فرض ءِ کہ اوفتا ہر وڑ اٹ اُست بڈی ءِ کننگے۔ تانکہ اوفک تینا زمواری تے پین جوان وڑ اسے ٹی ادا کیر۔ نوکاپ و پر آن ہرا پولیو ورکر آتا اُرا تا نسخان مسنے اوفتا جوڑی کن ہر وڑ نا گام گیج کننگ انگ ءِ۔ دا خیال آتا درشانی ءِ او نوکاپ و پر آن زہمی مروک آ پولیو ورکر آتا اُرا تا جوڑی کن یونیسف نا کنڈآن کمکی چیک اس بشخ وپانٹ کننگ نا وخت آ کرے۔دا خیال آتا درشانی ءِ او نوکاپ و پر آن زہمی مروک آ پولیو ورکر آتا اُرا تا جوڑی کن یونیسف نا کنڈآن کمکی چیک اس بشخ وپانٹ کننگ نا وخت آ کرے۔ او وخت آ ٹیم لیڈر یونیسیف بلوچستان ڈاکٹر ذوالفقار، بی ایم جی ایف بلوچستان ڈاکٹر نقیب اللہ و ایلو کمامدار آک ساڑی ئسر۔

(خ ن)